5:00 a.m.

alarm pa rin ng cellphone ang gumigising sa kin. hudyat na kailangan ko na tumayo sa higaan. pagkatapos ng isang maikling dasal ng pasasalamat kukunin ko na ang tuwalya sa pinagkakasabitan nito, bababa sa sala at matulog ulit dun ng 15 mins pa. zzzzzzz.

5:15 a.m.

pagkagising ng pangalawang beses ay gagawin ko na ang morning bathroom rituals. pagkatapos ng kalahating oras ng ligo gising na gising na ang buong katawan. susundan ko na ito ng isang set nanaman ng grooming rituals. deodorant, hairgel, baby powder, perfume, aftershave, lotion at kung ano ano pang mga kemikal ang ipapahid sa iba't ibang bahagi ng katawan upang maging katanggap tanggap ang sarili para sa ibang tao na makakasalamuha sa araw na iyon.

5:45 a.m.

next step ay ang pagsuot ng full battle gear. school uniform nung estudyante pa ko, ngayon kahit anong casual clothing lang pwede na. kadalasan sa araw na rin kung kelan ko susuotin ang damit tsaka ko ito pinaplantsa. ewan ko, mas gusto ko at mas sanay ako magplantsa ng paisa-isa kesa yung tradisyonal na mass production ng plantsadong damit pagkatapos ito isampay sa alambre sa labas. kapag postura na, pwde nang gawin ang pagharap sa hapag kainan upang mag kumain.

6:15 a.m.

bibihira ako mag-almusal, ewan ko kung ikukwento ko sa anak ko na "nung kabataan nga namin eh hindi ako nakakakain ng almusal, swerte kayo at...". preference ko ang hindi kumain ng almusal nung pumapasok pa ko sa eskwelahan, late kase yata ako nun parati. sa ngayon kabilang na ko sa mga elderly na iisa ang menu tuwing umaga. kape at tinapay. at syempre hindi kumpleto ang almusal kapag walang am radio with sound effects na parang nagbabarilang mga spaceman. mas nakakalibang nga naman mag-almusal kapag may pinapakinggan.

6:30 a.m.

napasarap sa pakikinig ng magandang balita.

late na ko.