nung isang beses, kasama ko si ver sa shuttle ng cypress. bukas ang tv at ang palabas ay 24 oras with mel changco and mike enriquez. na feature sa balita ang outbreak ng isang uri ng virus sa bansang angola. may pumasok na kabaliwan sa utak ko.

iba na daw ang mga virus at bacteria ngayon sabi ng mga doctor. napabalitang nahihirapan na raw sila makahanap ng mga panibagong panggamot sa mga virus at bacteria na sanhi ng mga nakamamatay na sakit. hindi na raw tumatalab ang mga nakasanayang panlaban sa mga ito dahil nagiging immune na sila. nagmu-mutate kumbaga. hindi kaya't isa itong living proof ng evolution?

eto ang naisip ko. bumalik tayo dun sa sinaunang panahon, mga 60 million years ago. panahon ng mga dinosaur. panahon kung saan payapang namamasyal ang mga tricerotops sa yellowstone park at nagpapahangin sa grand canyon ang mga raptors.

once upon a time, masayang namumuhay sa earth ang iba't ibang uri ng dinosaur. at isang araw hindi makabangon si haring t-rex sa kanyang kama dahil siya ay nagkaroon ng sakit na kakaiba. sahi ito ng isang virus, pinangalanan nila ang virus ng "tao" virus. dahil walang mahanap na gamot ang mga dalubhasang brontosaurus sa virus na ito nagkaroon ng epidemya sa buong mundo. isa isang namatay ang mga dinosaur hanggang sila ay naubos, ang pangalan ng pinakahuling namatay ay si denver. namayani ang mga "tao" sa earth simula nun.

umandar ang mahabang panahon, unti-unting nag-evolve ang virus sa butiki, tapos buwaya, ibon, unggoy at ngayon ay naging modern day human. ngayon mga tao naman ang nagkakasakit.

fast forward tayo, 100 million years.. nag-evolve na ang lahat ng buhay kagaya ng isinalaysay ko.


sars: ako pag-laki ko magiging scientist ako! pagaaralan ko ang mga buto ng tao na nabuhay daw 100 million years ago.

ebola: hilig ko rin yan. err... totoo kayang mga langgam rin tayo dati tapos tumalino lang? magsa-scientist na rin nga ako.

aids: aba ewan, basta ako computer scientist ako paglaki kung hindi naman political scientist.. teka, sino ba tong si meningococcemia na to? nagpapa-add sa friendster eh.