bumili ako ng sim ng sun. tapos na kase ang promo ng smart na 25/8 kaya yung 24/7 na lang ng sun cell ang serbisyong gagamitin ko. marami-rami rin naman ang mga kilala ko na naka-sun kaya ayun, bumili na rin ako.

kagaya ng inaasahan, medyo hindi nga ganun kaganda ang quality ng serbisyo ng sun. mahina ang signal sa kwarto ko kaya kelangan pang mag spiderman sa mga grills ng bintana upang magka-signal ng 1 bar ang cellphone. acceptable yun, naaalala ko na ginagawa ko naman na yun dati sa smart mga 5 years ago. nag-improve naman ang services nila kaya ngayon kahit sa kubeta o kaya sa loob ng ref full bar pa rin ang signal na nasasagap. sana balang araw ganun din ang sun cell.

pangalawang pahirap na naranasan ko ay ang pag load ng aking 24/7 na cell card. inabot ako ng tatlong singlo bago ko mai-load ang binili kong card. baka nga expired na yung card ko pero hindi ko pa rin nailo-load ito. at sabi nga nila magkakakalyo daw ang kamay ko bago mai-load yun. kalyado naman na ang mga daliri ko dahil sa kaka-gitara kaya wala na ring problema. isa pa, once a month lang naman ako maglo-load kaya pwede na rin pagtiyagaan.

punta tayo sa mga serbisyo ng sun. sa text, ayos naman. madaling makapag-send at mak-receive basta meron lang signal. message failed kung minsan pero tolerable. hindi ko pa nasusubukan mag-outgoing call kung mahirap nga. pero sa incoming, ayos lang. nakareceive naman ako ng maayos ng ilang beses. yun nga lang parang katulad ng nauso dating "drop call", maya't maya napuputol ang tawag. sa mms at gprs, hindi ko alam. black and white ang dalawang cellphone kong ginagamit ngayon, hindi mms at gprs capable kaya hindi ko pinoproblema ang mga iyan.

all in all, bulok nga ang sun cell. perwisyo ito lalong lalo na pag gagamitin mo ito bilang iyong primary sim. pero alternatibong number ko lang naman ito kaya hindi ako gaano namomroblema. ok lang sa kin na makipagsapalaran sa "no signal", "busy network", at "poor services" upang makausap ang mga kaibigan ko. alam ko naman na ganun rin ang ginagawa nila. sulit na rin naman kung susulitin mong maigi.

oo nga pala, bago ako bumili kinausap ko muna ang mga sun users kong kakilala upang tiktikan ang mga dapat kong i-expect kapag bumili ako ng sun. isa lang ang aking natutunan, "patience is a virtue".